ସ୍ୱାସ୍ଥ୍ୟ ପ୍ଲସ୍ କରୋନା ବ୍ୟୁରୋ
ଭାରତରେ କୋରୋନା କାୟା ବିସ୍ତାର କରୁଥିଲା ବେଳେ ସ୍ଥିତିକୁ ନିୟନ୍ତ୍ରଣ କରିବାକୁ ଭାରତ ସରକାର ଯୋଜନା ଚଳାଇଛନ୍ତି। ଶୁକ୍ରବାରଠୁ ଦେଶର ସମସ୍ତ ବିମାନ ବନ୍ଦରରେ ଥର୍ମାଲ ସ୍କାନିଂ ଆରମ୍ଭ ହୋଇଛି। ବିଦେଶରୁ ଭାରତକୁ ଆସୁଥିବା ସମସ୍ତ ଯାତ୍ରୀଙ୍କ ବିମାନବନ୍ଦରରେ ଥର୍ମାଲ ଗନ୍ରେ ସ୍କ୍ରିନିଂ ହେବ। ଦିଲ୍ଲୀର ଇନ୍ଦିରା ଗାନ୍ଧୀ ଆନ୍ତର୍ଜାତୀୟ ବିମାନ ବନ୍ଦରରେ ନିଜେ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ଡାକ୍ତର ହର୍ଷବର୍ଦ୍ଧନ ଏହାର ଯାଞ୍ଚ କରିଛନ୍ତି। ଆପଣ ଜାଣିଛନ୍ତି କି ଏହି ଥର୍ମାଲ ଗନ୍ କ’ଣ? ଯାହା କୋରୋନା ଭାଇରସରେ ଆକ୍ରାନ୍ତ ବ୍ୟକ୍ତିଙ୍କୁ ଚିହ୍ନଟ କରୁଛି।
କୋରାନା ଆକ୍ରାନ୍ତଙ୍କୁ ଚିହ୍ନୁଛି ଥର୍ମାଲ ଗନ୍
ବିଶେଷଜ୍ଞଙ୍କ କହିବା ଅନୁଯାୟୀ, କରୋନା ଜୀବାଣୁ କିମ୍ବା ଅନ୍ୟ କୌଣସି ରୋଗରେ ପୀଡ଼ିତ ବ୍ୟକ୍ତିଙ୍କୁ ଥର୍ମାଲ ଗନ୍ ଦ୍ୱାରା ସ୍କ୍ରିନିଂ କରି ଚିହ୍ନଟ କରାଯାଇପାରିବ। ଥର୍ମାଲ୍ ସ୍କ୍ରିନିଂ ସମୟରେ ଜଣେ ସୁସ୍ଥ ବ୍ୟକ୍ତି ଏବଂ କୌଣସି ଜୀବାଣୁ ବା ଭୂତାଣୁ ସଂକ୍ରମିତ ବ୍ୟକ୍ତିଙ୍କ ମଧ୍ୟରେ ପାର୍ଥକ୍ୟ ଦେଖିବାକୁ ମିଳେ।
ଥର୍ମାଲ ଗନ୍ର ବିଶେଷତ୍ୱ
ଥର୍ମାଲ ଗନର ବିଶେଷତ୍ୱ ହେଉଛି ଯେ ଏଥିରୁ ବାହାରୁଥିବା ରଶ୍ମୀର କୌଣସି ପାର୍ଶ୍ୱ ପ୍ରତିକ୍ରିୟା ନାହିଁ। ଏହି ଗନ୍କୁ ମୁଣ୍ଡ ପାଖରେ ଲଗାଇ ତାପମାତ୍ରା ମାପ କରାଯାଏ। ଏହା ଏକ ସୁସ୍ଥ ବ୍ୟକ୍ତି ଏବଂ ସନ୍ଦିଗ୍ଧ ରୋଗୀଙ୍କ ମଧ୍ୟରେ ତାପମାତ୍ରା ପାର୍ଥକ୍ୟ ଦେଖାଏ। ଏହା ଏକ କ୍ୟାମେରା ପରି କାମ କରେ। ସ୍କ୍ରିନିଂ ସମୟରେ ବ୍ୟକ୍ତିଙ୍କ ଶରୀରରେ ଥିବା ଜୀବାଣୁ ଫଟୋଗ୍ରାଫରେ ଦେଖାଯାଏ। ଡାକ୍ତରଙ୍କ କହିବାନୁସାରେ ଯଦି ବ୍ୟକ୍ତିଙ୍କଠାରେ ଭାଇରସ ଥାଏ, ତେବେ ବ୍ୟକ୍ତିର ଶରୀରର ତାପମାତ୍ରା ବୃଦ୍ଧି ଘଟିଥାଏ।
ଅନଲାଇନ ଅର୍ଡର କରି ହେବ ଏହି ମେସିନ
ଇ-କମର୍ସ ୱେବସାଇଟରେ ଥର୍ମୋମିଟର ବନ୍ଧୁକ ଉପଲବ୍ଧ, ଯାହାର ପ୍ରାରମ୍ଭିକ ମୂଲ୍ୟ ୩ ହଜାରରୁ ୫୦ହଜାର ଟଙ୍କା ମଧ୍ୟରେ ରହିଛି। ଆପଣ ଏହାକୁ ଘରୁ ଅର୍ଡର କରିପାରିବେ। ମାତ୍ର ସ୍କ୍ରିନିଂ ସମୟରେ ବିଶେଷଜ୍ଞଙ୍କ ସାହାଯ୍ୟ ନେବାକୁ ପଡ଼ିବ।
