ଆମ ମଧ୍ୟରୁ ଅଧିକାଂଶ ଲୋକ ଏହା ମନେ କରନ୍ତି ଯେ ଖାଲି ପେଟରେ ବ୍ୟାୟାମ କରିବା ଉଚିତ୍। ପ୍ରକୃତରେ କିନ୍ତୁ ଖାଲିପେଟରେ ବ୍ୟାୟାମକୁ ଡାକ୍ତରମାନେ ମଧ୍ୟ ମନା କରୁଛନ୍ତି। ବ୍ୟାୟାମ କରିବା ପୂର୍ବରୁ ଅଳ୍ପ କିଛି ଖାଇନେଲେ ଆପଣଙ୍କୁ ଶକ୍ତି ମିଳିବ।
କଦଳୀ: କଦଳୀ ହେଉଛି ଏପରି ଏକ ଫଳ ଯେଉଁଥିରେ ପ୍ରଚୁର ପରିମାଣର ପୋଟାସିୟମ୍ ଥାଏ। ଏହା ମାଂସପେଶୀକୁ ଶକ୍ତି ଯୋଗାଇଥାଏ। ତେଣୁ ୱାର୍କଆଉଟ୍ କରିବା ପୂର୍ବରୁ ପ୍ରତିଦିନ ଗୋଟିଏ ଲେଖାଏଁ କଦଳୀ ଖାଇବାକୁ ଅଭ୍ୟାସ କରନ୍ତୁ।
ଆମ୍ବ: ଆମ୍ବ ଖାଇବା ଦ୍ୱାରା ଶରୀରରେ ଶକ୍ତିର ସ୍ତର ତୁରନ୍ତ ବୃଦ୍ଧିପାଏ। ଏହାଛଡ଼ା ଏଥିରେ ଭିଟାମିନ୍ ଓ ଆଣ୍ଟିଅକ୍ସିଡାଣ୍ଟ ରହିଥାଏ।
ଛେନା: ଛେନାରେ ପ୍ରଚୁର ପରିମାଣର ପ୍ରୋଟିନ୍ ରହିଥାଏ। ଏହା ହଜମ ହେବାକୁ ଅଧିକ ସମୟ ନେଇଥାଏ। ତେଣୁ ବ୍ୟାୟାମ କରିବା ପୂର୍ବରୁ ଏହାକୁ ଖାଇଲେ ତୁରନ୍ତ ଶକ୍ତି ମିଳିଥାଏ। ସେହିପରି ଏହା ପେଟରେ ଗ୍ୟାସ ସୃଷ୍ଟି ହେବାକୁ ଦିଏନାହିଁ।
ଅଣ୍ଡା: ଅଣ୍ଡାରେ ମଧ୍ୟ ପ୍ରଚୁର ପରିମାଣର ପ୍ରୋଟିନ୍ ରହିଥାଏ। ତେଣୁ ବ୍ୟାୟାମ କରିବା ପୂର୍ବରୁ ଏହାକୁ ଖାଇଲେ ହାଲିଆ ଲାଗିନଥାଏ। ହେଲେ ମଧୁମେହ ରୋଗୀମାନେ ଅଣ୍ଡାରୁ ହଳଦିଆ ଅଂଶ ବାହାର କରି ଖାଇବା ଉଚିତ।
