ଗର୍ଭାବସ୍ଥାରେ ବ୍ୟାୟାମ କରିବା ଫଳରେ ଉଭୟ ମା’ ଏବଂ ଶିଶୁ ସୁସ୍ଥ ରହିଥାନ୍ତି। ତେବେ ଆସନ୍ତୁ ଜାଣିବା ଏହି ସମୟରେ କେଉଁ ଭଳି ବ୍ୟାୟାମ କରିବା ଉଚିତ।
ଯୋଗ
ଗର୍ଭାବସ୍ଥା ସମୟରେ ଯୋଗ କରିବା ଏକ ଭଲ ଅଭ୍ୟାସ। ଏହା ଦ୍ଵାରା ଶରୀରରକୁ ଆବଶ୍ୟକୀୟ ଶକ୍ତି ମିଳିଥାଏ। ଯୋଗ କରିବା ଦ୍ଵାରା ଶରୀରର ଫ୍ଲେକ୍ସିବଲ ହୋଇଥାଏ ଏବଂ ଏହା ପ୍ରସବ ସମୟରେ ହେଉଥିବା ଯନ୍ତ୍ରଣାକୁ ହ୍ରାସ କରିଥାଏ। ଗର୍ଭାବସ୍ଥାରେ ଯୋଗ କରିବା ପାଇଁ ଆପଣଙ୍କୁ ନିୟମିତ କୌଣସି ଯୋଗ ଗୁରୁଙ୍କର ଆବଶ୍ୟକତା ନାହିଁ। ଗର୍ଭବତୀ ମହିଳା ସପ୍ତାହରେ ଗୋଟିଏ ଥର ୧୦ ମିନିଟ ଯାଏଁ ଯୋଗ କରିବା ନିହାତି ଭଲ।
ସ୍କ୍ୱାଟ୍ କରିବା ଦ୍ଵାରା ଶରୀରର ତଳ ଭାଗ ବା ତଳ ପେଟ ମଜଭୁତ ହୋଇଥାଏ। ସ୍କ୍ୱାଟ୍ କରିବା ଫଳରେ ଶିଶୁର ସ୍ଥିତି ଠିକ ରହିଥାଏ ଏବଂ ଏହା ପ୍ରସବ ସମୟର କଷ୍ଟକୁ କମ କରିବାରେ ସାହାଯ୍ୟ କରେ। ଗର୍ଭବତୀ ମହିଳା ଗୋଟିଏ ସପ୍ତାହର ପାଖାପାଖି ୧୦-୧୫ ଥର ଏହାକୁ କରିପାରିବେ।
ଜଗିଂ
ଗର୍ଭାବସ୍ଥାର ପ୍ରଥମ ୩ ମାସ ଜଗିଂ କରିବା ଉଚିତ। ଆପଣ ଜଗିଂ ବଦଳରେ ଜୋରରେ ୱାକ୍ ମଧ୍ୟ କରିପାରିବେ। ଗର୍ଭବତୀ ମହିଳାମାନେ ସପ୍ତାହରେ ୩ ଥର ଜଗିଂ କରିବା ଫଳରେ ଶିଶୁ ସୁସ୍ଥ ରହିଥାଏ।
ଗର୍ଭବତୀ ମହିଳାମାନେ ସପ୍ତାହକୁ ୩ ଥର ପ୍ଲାଙ୍କ୍ ଏକ୍ସରସାଇଜ କରିପାରିବେ। ଏପରି କରିବା ଫଳରେ ସେମାନଙ୍କର ବ୍ୟାକ ପେନ ବା ପିଠି ଯନ୍ତ୍ରଣା ଏବଂ ଅଣ୍ଟା ବ୍ୟଥାରୁ ଆରାମ ମିଳିଥାଏ।
ବ୍ରିସ୍କ ୱାକିଙ୍ଗ
ଗର୍ଭବତୀ ମହିଳାମାନେ ଏହି ଏକ୍ସରସାଇଜକୁ ସବୁ ସ୍ଥାନରେ ସବୁ ପରିସ୍ଥିତିରେ କରିପାରିବେ। ଏପରି କରିବା ଫଳରେ କାର୍ଡିଓଭାସକୁଲାର ଠିକ ରହିବା ସହ ଆଣ୍ଠୁ ଏବଂ ବାହୁ ଯନ୍ତ୍ରଣାରୁ ମୁକ୍ତି ମିଳିଥାଏ।
ଏହି ଏକ୍ସରସାଇଜ ମାଧ୍ୟମରେ ଗର୍ଭବତୀ ମହିଳାମାନଙ୍କ ଫୁସଫୁସ ଏବଂ ହାର୍ଟ ଜନିତ ସମସ୍ୟା ଦୂର ହୋଇଥାଏ। ଆଣ୍ଠୁ ଗଣ୍ଠି ଯନ୍ତ୍ରଣାରୁ ଉପଶମ ମିଳିବା ସହ ଶରୀରର ଭାରସାମ୍ୟ ସନ୍ତୁଳିତ ରହିଥାଏ।
ଏହି ସବୁ ବ୍ୟାୟାମ କରିବା ସମୟରେ ଯଦି କଷ୍ଟ କିମ୍ବା ଯନ୍ତ୍ରଣା ହେଉଛି ତେବେ ତୁରନ୍ତ ଡାକ୍ତରଙ୍କ ସହ ପରାମର୍ଶ କରନ୍ତୁ।